Author: United Oromia

Barbaachisummaan Hundeeffama Mana Maree Dhimma Islaamummaa Magaalaa Shaggar kun, Rakkoowwan Garagaraa Kanneen Akka Masjidota Diigamaa Jiran kanaafi Kanneen Birootif Furmaata Argatuuf Akka Tahe dubbatan.

Guyyaa Arraa Bakka Ulamaa’onni,sheekkonnii fi Muftoonni Gurguddaan Islaamaa Argamanitti,akkasuma Hoggantoonni Mootummaa Kanneen Naannawa Magaalaa Shaggar Bulchuu keessaa Qooda Qaban Aragamanitti,Yaa’iin Hundeeffama Mana Maree Dhimmoota Islaamummaa Magaalaa Shaggar Kun Gaggeeffamee oole.

Yaa’ii kanarratti Dura taa’ota Bulchiinsa Dhimma Islaamummaa keessatti,kanaan dura Muxannoo Gahaa Qabantu Filame. Kaayyoon Yookaan Sababani Barbaachisummaa Kanaatis Rakkoowwan Magaalaa Shaggar keessatti Masjida waliin Walqabatee jiruu fi Kanneen biroo irratti, Mootummaa waliin Furmaata Akka Kaahaniif Kan kaayyeffate tahuus waltajjicharratti dubbatameera. Haasaha Dhimma Kana Irratti Sheik Amin Ibroo taasisan Kana Linkii Olirra Jiru kanarraa Dhaggeeffadhaa Yaada keessan Nuuf Katabaa Ulfaadhaa galatoomaa Horaa Bulaa deebanaa. #Unitedoromia

Gaafiin Ummanni Kaase Gaafi Isin Warri Masjida diigdan Akka Kaatu taasiftaniidha. Amma Ammoo Warri Gariin Masjida Dahoo godhatanii Nutti fayyadaman jedhan kana Akkamiin Ilaaltan

Ummanni Muslimaa Gaafi Ifaaf Bilisaan Mootummaaf dhiheesse. Mootummaan Silaa Dafee Gaaficha Hunderraa Furuu qaba. Haa tahuu malee Hulaa Ofii Banee,Nutti Fayyadaman jedhee Dubbatuun Namoota Garii Gaafi Biraa kaasaa jira. Sababni Isaatis Mootummaan Gaafi Masjidaa Deebisuu qaba. Ummata dhagahuu qaba. Ofiif Masjida diigee,amma Nutti Fayyadaman Jechisiisuun sirrii miti.

Dhimmuma masjidaa Kanarratti Obbo Yeroon geesseen fi Makii Oro Waan Jedhan qaban dhaggeeffadhaa Yaada keessan Nuuf katabaa

Baankiin Raammis Guyyaa Arraa Bifa Baayyee Nama Hawwatuun Ifatti Eebbifamuun Hojii Eegalee jira.

Baankiin Raammis Hayyoota Islaamaatin Kan Hundeeffame Yemmuu tahu,bakka Ulamaa’onni Keenya Gurguddaan Argamanitti,akkasuma Bakka Kantiibaan Magaalaa Finfinnee Argamutti Eebbifamuun Hojii Eegale.

Sirna Eebba Baankii Raammis Kanarratti Kan Yaada Kennate Hundeessaan Baankii Raammis Sheik Jamaal Aliyyii,Baankiin Raammis Kan Hawaasa Muslimaa Qofa Osoo Hin tane Kan Oromoo fi Sabaaf sablammoota Biyya Keenya Hundaati jechuun dubbataniiru. Baankichi Rakkoo Hawaasni Keenya Gama Diinagdeetin qabu,Waliin Taanee Furuuf Ni Hojjata kan Jedhan Sheik Jamaal Aliyyii,Baankiin Kuni Kan Hunduma Keenyaa Akka Tahe Himaniiru.

Hundeessaan Baankichaa Bu’aaf Ba’ii Hedduu keessa Dabruun Guyyaa Kana Arguu Isaatti Gammachuu Itti dhagahame ibseera. Namoota Haala Hunda Keessatti Isawaliin Rakkachaa Turan Dabalatee Namoota Maallaqarraa Hanga Yaada Gumaachutti hirmaataa Turan Hundaaf Galata qabuuf Onnerraa Galateeffateera.

Baankiin Raammis Kan Keenya Hundaati. Haa jabeessinuu Jechuudhaan Sheekkotaa fi Hayyoonni keenya Baayyeen Baankicha Utubuun Nurraa Eegama,Jechuun Yaada Garagaraa Gama Fuula Feesbuukii isaanii irratti Barreessaniiru. Kanaafuu Baankiin Raammis Baankii Keenya Tahuu Hubatuun Hundi Keenya Haa fayyadamnuu Hoggaa Isiniin Jennu Kabajaaf Jaalala isiniif qabnu waliini. Akkaataa Itti fayyadama Baankii Raammis Baldhinaan Odeeffannoo Dabalataa Funaannee Kan Isin biraan geenyu tahuu Isin Beeysisaa hammasiifuu Kanuma Nuuf Guddifadhaa waliin gahaa Galatoomaa Ulfaadhaa horaa Bulaa deebanaa. #UnitedOromia

Mootummaan Ethiopia Ummata Masjida Kiyya Hin diiginaa jedhu Humna Waraanaatin Lafatti qabaa jira. Gaafii Ummataa Kana Deebisuuf fedha qabaa laata?

Kanaan Dura Yeroo Garagaraatti Mootummaan Ethiopia Afaanin Gaafi Ummataa Ni deebifna. Ummata Ni dhaggeeffanna Jechuun Dubbataa ture. Haa tahuu malee Dhimmoota Garagaraa Irratti Ummanni Yeroo Baayyee Hiriira Bahuun Gaafi Gaafataa Turan. Garuu Akka Mootummaa Amma Biyya Bulchaa Jiruu kanatti Gaafi Seeraan Ummataaf Deebii argatte tokkollee Hanga Ammaatti Hin Agarre. Kan Biraa Haa Hafuu Mee Kan Naannoo Oromia Gaafin dhiheenyatti Erga Abiy Aangoo qabate,Hiriiraan Gaafatamtee deebii argatte tokkuma Nuuf Barreessaa?

Mootummaan Abiy Ahmed Waan Ummata Tuffatu yookaan Maal fiddan jedhu fakkaata. Akkan Fedhetti waanin fedhe godheen Waanin Hin feene dhiisa jedhee Waan murteeffate fakkaata. Gaafii Ummanni Dhimma Masjidaa ilaalchisee dhiheenya Gaafataa Jiruuf deebiin Kennamaa jiru Rasaasa tahe. Masjida Rabbii Ammallee Akkuma Diiganitti jiran. Guyyaa Arraa Magaaluma Shaggar Ganda Ajamaa Jedhamutti Maajida Maqaan Nuur jedhamutu diigame.

Hubadhaa Kuni Kan Taheef Sababa Gaafi Keessan Hin deebifnu jedhurraa ka’eefi. Garuu sheekkota keenya Waliin Mariin eegalameera jedhanii Afaanin Nu sossobuun Akkuma Ittifufetti jira. Tahullee asii Afaanin Nu sobaa Achii Masjida diigan kuni maalif tahe? Maalif Ummata Hin Dhaggeeffanne? Maraafuu Guutuu Dhimma Kanaa Sababa waliin Obbo Khaab Buttaan Waan jedhu qaba Olirraa Dhaggeeffadhaa Yaada keessan Nuuf Katabaa Ulfaadhaa galatoomaa Horaa Bulaa deebanaa. #UnitedOromia

Torbaan Dabre Ture Ummanni Muslimaa Ifatti Mootummaadhaf Gaafii Masdida Keenya,Maqaa magaalaa Shaggar Ijaarutiin Diigaa Jirtan,dhaabaa Jechuudhaan Gaafatuu kan eegalan.

Gaafi Masjinni Diigamuu Maalif Kaaftan Jedhee Kan Dallane Mootummaan Ethiopia Torbee Dabre Naannawa Anawar Masjid keessatti Namoota Sadii Humna Waraana Isaatin Kan Galaafatee turuun Kan Yaadatamuudha. Gaafin Hawaasni Muslima Ethiopia Dhimma Diigamuu Masjidota Waan Hin Furaminiif,Jimaata Kaleessaas Bifa Guutuu Ethiopia Jedhamuun Dandahamuun,Hiriira Balaaleffannaa Masjida Kiyya Hin diiginaa Jedhu Taasisaa Oolaniiru.

Hiriirri Bakkoota Hedduutti Taasifamus garuu Hawaasni Muslima Magaalaa Finfinnee Masjiduma Keessatti Akkuma Jummaa Salaataniin Kadhannaa fi Mootummaa Maajidota keenya Diigamaa Jiru Kana Hatattamaan Dhaabuu qaba Jedhanii Gaafi Irra deebiin dhiheessaniif.

Kuni Kan Tahe Garuu Erga Mootummaan Ummanni Masjida kanaa Hiriira Natti Bahuu Hin Oolu sodaa jettuun Waraana Isaa Gara Masjidaa Erguun,Namni Tokko Akka Masjida keessaa Hin Baane Godheen Booda Akka Taheetu dhagahame. Waraanni Masjida Marsee jiru kun,Namoota Gaafii Masjidaa Kaasetti,Masjiduma keessatti dhukaasa Banuun Namoota Afurii Ol Lubbuun Battaluma kan Dabree fi Kaan Hospitaala Geeffamanii Yaalamaa Jiran. Sirni Awwaalcha Shahiidota Kaleessa Wareegamanii Bifa Linkii Olirraa Vediyoo keessatti Agartan Kanaan,Ummata Akka Galaanatti Dhagala’ee Bahe Kanaan Raawwateera. Ummanni Ammas Irra Deebiin,Mootummaan Saffisaan Gaafii Isaanii Akka Deebisuu qabu gaafataniiru. Olirraa Dhaggeeffadhaa Yaada keessan Nuuf Katabaa Waliifis dabarsaa Ulfaadhaa galatoomaa Horaa Bulaa deebanaa. #UnitedOromia

Hiriirri Balaaleffannaa Diiggaa Masjidaa Ethiopia Bakkoota Heddutti Bahame. Kanarrattis Humni Nageenya Mootummaa Miidhaa namootarraan gahan.

Sababaa Masjida Nannawa Magaalaa Shaggaritti Diigamaa Jiruuf,Hawaasni Muslimaa Bakkoota Heddutti Hiriira Balaaleffannaa Bahaniiru. Godinoota Harargee Lamaanitti,Baayyinaan Magaalaa Harar keessatti Hiriira Guddaatu bahame. Akkasuma Dodolaa,Shaashamannee fi Baale Roobee keessatti Hiriira Guddaatu ture. Magaalaa Jimmaa Keessa Bakkoota Masjida Gargaraatti Hiriirri Mormii Ture. Hiriira Kanarrattis Namoonni Lama Rasaasa Humna Nageenya Mootummaarraa Dhukaafameen Haleelamaniiru.

Magaala Finfinnee Keessatti Ummanni Osoo Masjida Keessaa Hin Bahin Sagaleen Keenya Haa dhagahamuu jechuun Maajida Diigamaa Jiru Akka Dhaaban Maajiduma Keessaa Sagalee isaanii Dhageessisaa Turan. Tahullee garuu Humni Nageenya Mootummaa Masjidni Shamarranillee Osoo Hin Hafin Seenuudhaan Dhukaasa Bananii Lubbuu Namoota Lamaa Battalumatti Dabreera. Namoonni Miidhaman Baayyeedha. Obbo Khaab Buttaa Dhimmuma Kanarratti Abiy Ahmediif Dhaamsa Dabarseera. Guutuu Taatee Guyyaa Arraa Linkii Olirra Jiruun Dhaggeeffadhaa waliin gahaa Ulfaadhaa galatoomaa Horaa Bulaa deebanaa. #UnitedOromia

Ummata Nurraa Lafatti Qabaa,Jechuudhaan Nuuf Bilbilanii Nu kadhataa Jiran Kan jedhe sheik Usmaan Durrii Dhaamsa Ajaa’ibaa Dhimma Masjida Rabbii Diiguu Kanarratti Obbo Shimallis Abdiisaatif dhaaman

Dhimmi Maajida Rabbii Taphaa Miti Jechuun Seenaa Abrahaa Kan Beeytii Rabbii Diiguuf kaanan,Rabbiin Balaa itti Buusee,yaadachiisudhaan Gorsa Kan Eegale,sheik Usmaan Durrii,Mootummaan Naannoo Oromias tahee Kan Fedraalaa (Abiy Ahmed) Saffisaan Gochaa Suukanneessaa Maajida Rabbii Diiguu Amma eegalan Kana Akka dhaaban Gorseera.

Sheik Usmaan Durrii Amantiin Tapha Hin Taatu Ummanni Muslimaa Amantii isaatif Osoo Hin Waamamin,Fedhii isaatif,yookaan Jannata Rabbii Argatuuf wal-dorgomaa Kana Beekaa jedhee Kan Yaadachiise,Saffisaan Maajida Diigame kana Bakkatti Deebisuun Kan Hafes Akka Hin tuqne gorseera. Haasaha Kuxbaa sheik Usmaan Durrii Linkii Olirra Jiruun Dhaggeeffadhaa Yaada keessan Nuuf Katabaa Ulfaadhaa galatoomaa Horaa Bulaa deebanaa. #UnitedOromia

Guyyaa Arraa Dargaggoota Muslimaatin Hiriirri Guddaan Taasifamaa oolee jira. Kan Baayyee Nama Ajaa’ibaa Shamarran Muslimaa Masjinni Rabbii Diigamee Jireenya Akkam Jiraanna Jechuun Dhaadannoo Dhageessisaa Oolan

Mootummaan Keenya Osoo Jennuu Masjida keenya Jumlaadhaan Diige. Kuni Ammoo Nun Raffisu. Dhimmi Masjidaa Dhimma Kiyya. Mootummaan Qoosaa itti jiru kana Hatattamaan Dhaabuu Akka qabu gaafanna jechuudhaan Hiriirri Guddaan Gochaa Mootummaa Kan Masjida Rabbii Diiguu Kana Balaaleffatan bahamee oole. Hiriirri Nagahaa Kun Harargee Bakkoota Heddutti Yeroo ammaa Kana Taasifamaa kan jiru keessaa fudhatame

Shamarran Muslimaa Haala Baayyee Nama Hawwatuun,Hiriira kanarratti Hirmaatanii,Seeraan Gaafi qaban Mootummaa Ethiopia Kan Maqaa Magaalaa Shaggariin Masjidota Diiguu itti fufe kanaaf dhiheessaniiru. Dhaadannoo Masjinni Kiyya Lubbuu tiyya jedhuufi dhadannoowwan baayyees dhageessisaa oolaniiru. Dhaggeeffadhaa Waliin gahaa Ulfaadhaa galatoomaa Horaa Bulaa deebanaa. #UnitedOromia

Miseensa Paarlaamaa Ethiopia Kan Tahe Obbo Hangaasaa Ahmed Ibraahim Sababa Mootummaan Naannoo Oromia Bulchu,diigumsa masjidaa jabeessef hime.

Yaadadhaa Jechuun Dubbii Kanaan Dura Obbo Shimallis Abdiisaa Dubbatan Ummata Yaadachiisee,Dhimma Diigamuu Masjidaa kana Jajjabeessee Kan Haasahe,obbo Hangaasaa Ahmed Ibrahim Sababa Mootummaan Naannoo oromia Masjida Diiguu irratti xiyyeeffateef Lafa kaahee Ummataaf Himeera. Akkasuma Ibsa Kaleessa Dhimma Diigamuu Manneen Amantaa fi Manneen Dhuunfaa ilaalchisanii Baasanirratti Jecha Finxaaleyyii jedhu,Ulamaa’ota keenyaan Akka jedhan Dubbateera.

Obbo Hangaasaan Dubbiin Amantii Salphaa Akka Hin tahin Himuun Ummanni Kabajaaf Hanga Arraa Isin Obse malee sodaafi miti jechuun himeef. Kanaafuu Gaafii Ummataa Saffisaan deebisuu akka qabanis dhaamefii jira. Akkasuma Jecha Fokkuu Ulamaa’ota keenyaan Yaaman Kanaaf Dhiifama Gaafatuu Akka qaban gorseera. Guutuu Haasaha Obbo Hangaasaa Ahmed Linkii Olirra Jiruun Dhaggeeffadhaa yaada keessan Nuuf katabaa Ulfaadhaa galatoomaa Horaa Bulaa deebanaa. #UnitedOromia

Diigamuu Masjidota, Manneen Amantaa Biroo Dabalatee Kanneen Dhuunfaa Ilaalchisee Mootummaan Naannoo Oromia Gama Kominikeeshinii Mootummichaatin Deebii kenneen Mariisifnee diigne jedhe.

Akka Ibsa kominikeeshinii Mootummaa Naannoo Oromia kanatti,Sababaan Diigama Manneen Amantaa fi dhuunfaa Saamicha Lafaa kan Amantaa Dahoo Godhateetu Babaldhate,kana seeratti galchuuf Kan Hojjatamaa jiruudha jedhe. Asumatti Ammas Ijaarsi Seeraan Alaa Pilaanii Guddina Magaalichaa Akka Hin danqineef Ijaarsa seeraan Alaa Irratti Tarkaanfiin Fudhatamaa jira jedhaniiru. Saamicha Lafaatimoo saba Pilaanii Maagalaatif Jecha Ijaarsi Seeraan Alaa Diigamaa jira gaafii jettutu ibsa Isaanii Kanarraa Ka’uu dandaha.

Mootummaan Hanna Lafaa Kana Dhaabsisuuf Hojjatamaa Jira kan Jedhu Ibsi isaanii kun,Namoonni Dantaa Siyaasa Bahachuuf Wacan Finxaaleyyii bitaaf mirgaati waan taheef jecha,Ummanni Keenya Kanaaf gurra Hin laatinaa jechuun Dubbataniiru. Gama Biraatin Mariisifnee diigne Jedhaniiru. Haa tahuu malee Presidentiin Mana Maree Dhimmoota Islaamummaa Ethiopia Namni Isaan Mariisise Akka Hin jirre dubbataniiru. Asirratti Mootummaa Naannoo Oromiati moo Sheek Haaji Ibraahim Tufaatu Kijibe gaafi jettu Kaasa. Deebii isaa Guutuu Vediyoo kanarraa Hubattu. Linkii gubbarra Jiruun Dhaggeeffadhaa waliin gahaa Ulfaadhaa galatoomaa Horaa Bulaa deebanaa. #UnitedOromia